百家樂賭神㊙️笈

---

1. 贏錢為唯一目的，目標金額要訂得清晰而合理水平，並盡量保持一致性。

2. 嚴守紀律，達標要識走或鎖利。

3. 心理質素要好，輸時唔怕輸，贏時要夠狠。

4. 投注策略以勝進為主，贏谷(基本孖寶三關)，輸縮(縮回基本注)。不建議平注或負追纜。

5. 清心寡慾，去賭目的只為贏錢，其他女色或娛樂享受盡量避免或減少。

6. 切忌迷信，什麼換班長，加彩，買四份，四拍半，九口飛刀等等一律照買。

7. 以睇大路為投注方針，除非下路超靚，先會稍為參考。

1. 本金
如果你全副身家有十萬蚊，每次最多只可以用身家一半，即5萬蚊去賭錢，一定要留條後路比自己，賭錢時壓力都細啲。如可以的話，最多只拎三份一身家去，更為理想。

2. 投注法
a) 平注
b) 勝進 (孖寶或三關)
c) 負追 (俗稱賭纜)

3. 基本起步注碼
總本金要有足夠基本注嘅倍數，去對抗運氣下振幅，下風時做防守。
a) 平注: 本金分10注
b) 勝進(孖寶) : 本金分20注
c) 勝進(三關) : 本金分30注
d) 負追 : 視乎格式，一般本金50份之一或以上

4. 目標
訂立一個清晰明確而合理嘅目標金額係非常重要，訂得太高難達到，未到前可以已倒輸，訂得太低，十次贏埋唔夠一次輸。另外，賭錢賭錢，目標一定要以贏某一個水平嘅錢為目標，切忌以時間為目標(例如今日賭三個鐘，贏輸都走)。
目標最好係一個實數，或一個細範圍。亦切忌隨意更改目標數。每次出戰盡量保持目標接近，唔好今日目標5k, 聽日目標3雞，否則生理心理上都難以適應。

何謂合理目標，視乎你嘅投注法
a) 平注: 本金50~70%，即淨贏5~7注錢
b) 勝進(孖寶) : 本金70~80%，即淨孖寶5~6次
c) 勝進(三關) : 本金80~100%，即淨三關5~6次
d) 負追 : 本金30~50%，視乎格式

個人紀律及過關心理練習

1. 達標即閃或封鎖利潤嘅紀律

如果一年只賭兩三次，你可以任性咁賭。但如果你係頻密賭徒，紀律變得非常重要，隨時係贏或輸嘅關鍵。

達標即閃: 

由一入賭場開始，就要不斷提醒自己目標多少，當接近目標時，投注額亦應望住目標去調整，務求盡快達標。一達標(俗稱出沖)，無視有無爆路，理智咁起閃人 (其實未爆路起身閃人好有型)。

鎖利大法: 

如果你唔捨得你運氣，仲貪心贏多啲，唯有用封鎖利潤大法。大概操作係: 例如你目標1萬，已贏9千，便投注1500，贏了便有1萬500。先封鎖目標1萬，利潤餘數500，去試下推上去，再一層一層咁封鎖利潤，如1萬2，如博唔到上去，馬上攞住目標1雞閃人。

2. 機械式3關

要訓練勝進賭膽，先從少少錢練起，叫你用$100起步，打三關$200，$400，我諗大家都夠膽。 要你1雞，2雞，4雞咁推，就未必做到了。先由自己覺得舒服嘅水平練習過3關，然後再慢慢加大。

亦可先從機械式孖寶練習。

心理上，要一早plan好下三口買莊定買閒，plan好三舖先過3關。

3. 推爆佢個腎

遇到長路要贏大錢，要一路推大先lam到盡。例如是長閒，先機械式過三關，再半關半關上，直至爆路。1，2，4，6，8，10，13，16咁無限推大。如果有10個閒，你贏一條，已經足夠達標。心理上要記住，過完3關後，基本已封蝕本門。而長路總有一口爆，所以最後輸返一口亦無所謂。

4. 忘記追數法

如果今日輸咗5雞，你聽日會立即想追數追哂5雞數嗎？呢個諗法好危險，追數心態，會令賭徒好心急，贏又推，輸又推，好容易再輸落去。 一定要比自己冷靜心情。

輸一場，最少停戰一日。連輸兩場，最少停戰一星期。

百家樂睇路

好多人講，百家樂邊有路㗎? 就算有，都係只有一條陰屍路。我本人完全認同之前出嘅莊閒pattern，對未來開嘅結果，係完全無關係嘅。

咁點解我仍然會跟路買呢？ 其實決定下舖買莊定買閒，你總要有個依歸去決定㗎，唔通每局都擲銀仔公字去決定咩? 既然開莊開閒機會相若，我地跟路買，亦無蝕張。既然路係無預測能力，我地亦無需太複雜，主要睇大路就算了。

符合前路開嘅結果，叫靚路。唔符合嘅，叫爛路或爆路。個人經驗嚟講，靚路枱大概只佔10分之1至2。大家揀台時，一定要小心揀，因為揀到靚枱傻仔路，傻仔都會贏。相反坐咗爛路枱，點賭都會輸。

由於我派推崇機械式三關，所以揀枱都係以過到三關為目標。推三關前，要先plan好未來三舖，買莊定買閒。

1. 見3打6

見3粒莊，

過三關莊到六粒，

之後半關半關直至推爆腎

見3粒閒，過三關閒到六粒，

之後半關半關直至推爆腎

見3粒單跳，過三關單跳到六粒，

之後半關半關直至推爆腎

2. 一廳兩房/三房/四房

等到一出廳，就孖寶，

由於長短腳，腳位唔好買太大。

3. 一廳五房/六房 

先推三關閒，

再三關半四關，齊腳停一口

4. 拍拍痴(長短腳)

只打第二粒痴底，

用第二粒過三關，腳位唔買

5. 拍拍痴(兩粒兩粒)

先過3關，再不斷半關半關上直至推爆腎

6. 拍拍痴(條條長，最少三粒)

重注孖寶第二三粒，腳位細注買

對子，和，幸運六

入正題前，先睇睇回報率。在賭場優勢下，每個數字都係負數。

以8副牌計:

買莊 -1.06% (95枱) -1.46% (大水枱)

買閒 -1.24%

買和 -14.36%

對子 -10.36%

幸運六-16.68%

1. 有95枱儘量玩95枱。

2. 睇到四寶回報率全部超過負10%，就知道只適宜間中突擊買少少，不宜長追舖舖買。

3. 幸運六可以對沖大水枱抽大水，所以當買大莊時，就要買幸運六，最少要買投注莊嘅金額5%，買莊2000，幸運六100，抽大水時，1000+1200或1000+2000，起碼頂住抽大水部分。最多不超過買莊金額10%。當莊旺時，幸運六出現率亦提高。

4. 至於對子，一靴新牌，未出過對子前，唔需要買對子。如果牌已去到中段，買對子前，先分析嗰靴牌旺唔旺對子，以6分1為分界線。平均6舖開超過1舖，對子旺，可以追對子買。例如30局開了10次對子，肯定是旺對子。

而且對子越旺，之後出對子嘅機會越高，原因係之前嘅對子，已經對起咗相同嘅牌，剩低嘅牌撞對機會大咗。以一副牌做例子，對子機會13分1，但第一局出88 vs 88,孖對和。之後對子機會，提升至12分1。

不過對子屬bonus, 每邊只宜買莊/閒金額5~10%。例如買5000閒，可以買500，500對。1雞閒，1000，1000對。

5. 個人唔鍾意買和，因為當你買了莊閒，就一心想贏。而且莊閒跟和係mutual exclusive, 係無可能雙收。同埋1賠8嘅賠率，好似唔夠和味，唔夠吸引。有朋友問，可唔可用賭纜形式咁投注和牌，即頭7局，每局$100，唔中的話，第8至14局，$200和，再唔中，第15至21局$400，如此類推，直至中和為止。我嘅答案都係所有纜都係贏粒糖，輸間廠。而且局局買，大數法則下，回報率更接近-14%。